മനസ്സ്
മനസ്സ്....
വേദനിക്കുന്ന ഹൃദയത്തിന്
കണ്ണീരിന് കയ്യോപ്പിടാനുള്ള
ശൂന്യമായ കടലാസ്...
എവിടെയോ പോയി
എന്തൊക്കെയോ നേടി വരുന്നവര്ക്ക്
രക്തം മണക്കുന്ന വിരലുകളാല്
ചിത്രം കോറിയിടാനുള്ള
മൃദുല ശൂന്യത..
പ്രതീക്ഷകള് കരിഞ്ഞുണങ്ങിയ
പ്രത്യാശകള് കനലായെരിയുന്ന
സ്വപ്നങ്ങളുടെ ചവറ്റുകൊട്ട...
മോഹങ്ങളും മോഹഭംഗങ്ങളും പേറുന്ന
കടിഞ്ഞാണില്ലാത്ത രഥം...
വെള്ളിനൂല് പോലെ
സ്നേഹ സംഗീത സാന്ദ്രമായ
ചാറ്റല്മഴ കുളിരായിറങ്ങുമ്പോള്
ഒന്നു ദര്ശിക്കാന് പോലുമാവാത്ത
അടഞ്ഞ ജാലകം...
No comments:
Post a Comment